Print
Hits: 2706

महाराष्ट्र टाइम्स
१९ एप्रिल २०१२
पुणे भारत

चुकीच्या उपचारांऐवजी योग्य उपचार होण्यासाठी अवघ्या सातशे रुपयांत कॅन्सरसारख्या दुर्धर आजाराचे निदान करणाऱ्या डिजीटल पॅथॉलॉबची सुविधा पुण्यात उपलब्ध झाली आहे. आंतरराष्ट्रीय तज्ज्ञांच्या सल्ल्याने आजाराच्या निदानासह त्यावर कोणत्या उपचाराची गरज आहे हेही सांगण्यात येत आहे.

कॅन्सरच्या विविध आजाराचे निदान ना नफा ना तोटा तत्वावर करणारे 'ऑन्कोपॅथ डायग्नोस्टिक सेंटर' पुण्यातील ठुबे पार्कमध्ये कार्यरत आहे. काही महिन्यांपूवीर्च हे सेंटर पुणेकरांच्या सेवेसाठी सुरु झाले आहे. सेंटरचे प्रमुख संचालक कॅन्सरतज्ज्ञ डॉ. प्रशांत जानी यांनी याविषयीची माहिती 'मटा'ला दिली. 'कॅन्सरच्या विविध प्रकारच्या आजाराचे योग्य वेळी योग्य निदान होण्याची गरज असते. मात्र अनेकदा आजार एक असतो आणि निदान काही तरी वेगळेच होते. त्यामुळे तो आजार नंतर बरा क रणे अशक्य होते.योग्य वेळी आजाराचे निदान होऊन उपचार केल्यास पेशंटचा फायदा होतो. केमोथेरपी, रेडिओथेरपी किंवा सर्जरीसारखे महागडे उपचार घेणे सामान्यांना परवडणारे नाही. त्यामुळे आंतरराष्ट्रीय तज्ज्ञांच्या सल्ल्याने आणि अत्याधुनिक तंत्राद्वारे कॅन्सरच्या आजारांचे निदान क रण्यात येत आहे. महागड्या चाचण्या सामान्यांसाठी अवघ्या सातशे रुपयांत उपलब्ध करून देण्यात आल्या आहेत.' अशी माहिती डॉ. जानी यांनी दिली.

डिजीटल पॅथॉलॉजी

कॅन्सरचे निदान करण्यासाठी पुण्यासह अमेरिका, कॅनडा, इंग्लंडमधील तज्ज्ञांची टीम कार्यरत आहे.चाचणीच्या वेळी नोंदणी करताना एक युजर आयडी व पासवर्ड पेशंटला दिला जातो. त्याने दोन दिवसांनंतर संपर्क केल्यास त्यांना त्यांचा रिपोर्ट ऑनलाईन उपलब्ध होऊ शकतो.

Disclaimer: The news story on this page is the copyright of the cited publication. This has been reproduced here for visitors to review, comment on and discuss. This is in keeping with the principle of ‘Fair dealing’ or ‘Fair use’. Visitors may click on the publication name, in the news story, to visit the original article as it appears on the publication’s website.